Релиф® Адванс суппозиторийлер дәрілік препаратын медициналық қолдану бойынша нұсқаулық
Тіркеу нөмірі: N048356
Саудалық атауы
Релиф® Адванс
Халықаралық патенттелмеген атауы
Бензокаин
Дәрілік түрі, дозасы
Ректальді суппозиторийлер
Фармакотерапиялық тобы
Жүрек-қантамырлар жүйесі Вазопротекторлар.Геморрой және анальді сызаттарды емдеу үшін жергілікті қолдануға арналған дәрілер. Жергілікті анестетиктер. Бензокаин.
АТХ коды C05АD03
Қолданылуы
– сыртқы және ішкі геморройда;
– айқын ауыру синдромымен қатар жүретін артқы өтіс жолының
сызатында, эрозиясында және микрожарақаттарында, анальді
қышынуда;
– проктологиялық операциялардан соң операциядан кейінгі кезеңде.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
– препараттың әсер етуші затына немесе қосымша заттардың кез келгеніне аса жоғары сезімталдық.
– 12 жасқа дейінгі балаларға
– жүктілік және лактация кезеңі
Қолданған кездегі қажетті сақтандыру шаралары
Емдеу курсының жиілігі (4 ретке дейін) мен ұзақтығын арттыруға болмайды.
Егер анустан қан кету туындайтын болса, пациент дәрігерге қаралуы керек.
Басқа дәрілік препараттармен өзара әрекеттесуі
Релиф Адванс құрамына кіретін бензокаин аминосалицил қышқылының препараттарына антагонист болуы мүмкін.
Бензокаин ұсынылатын дозасын айтарлықтай жоғарылатқан жағдайда және ұзақ уақыт қолданғанда моноаминооксидаза (МАО) тежегіштерінің, антидепрессанттар және гипотензиялық дәрілердің әсерін күшейтуі мүмкін.
Арнайы ескертулер
Препарат құрамында пропилпарагидроксибензоат және метилпарагидроксибензоат бар, ол аллергиялық реакцияны туындата алады (мүмкін, баяу).
Құрамында бензокаин бар өнімдерді тағайындау метгемоглобинемияға әкелетінін көрсететін зерттеулер бар. Препарат қолдану аясындағы цианоз (бозару, тері, ерін және тырнақ оймасы түсінің сұрлануы немесе көгеруі), бас ауыруы, бас айналуы, диспноэ (ентігу), шаршау, тахикардия сияқты симптомдар өмірге ықтимал қауіпті көрсетуі мүмкін және тікелей медициналық қадағалауды қажет етеді.
Артқы өтістен көп мөлшерде қанды бөліністер болған жағдайда немесе ауыру симптомдары 7 күннен астам сақталғанда, проктологтан қосымша кеңесу қажет.
Релиф Адванс препаратын 12 жастан асқан балаларда қолданар алдында дәрігермен кеңесіңіз.
Жүктілік немесе лактация кезінде
Жүктілік және бала емізу кезінде қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
Препаратты гигиеналық шаралардан кейін қолдану керек. 1 суппозиторийден тік ішекке тәулігіне 4 ретке дейін (таңертең, түнге қарай және ішекті әр босатқаннан кейін) енгізу керек.
Енгізу әдісі және жолы
Ректальді.
Қабылдау уақытын көрсететін қолдану жиілігі
1 суппозиторийден тік ішекке тәулігіне 4 ретке дейін(таңертең, түнге қарай және ішекті әр босатқаннан кейін) енгізу керек. Ең жоғары тәуліктік дозасы – 4 суппозиторий.
Емдеу ұзақтығы
Емдеу курсының ұзақтығы – 7 күн.
Қажет болғанда дәрігердің ұсынымы бойынша қабылдау ұзақтығын 3 аптаға дейін ұзартуға болады.
Артық дозаланған жағдайда қолдану қажет шаралар
Симптомдары: бензокаиннің артық дозалануы жүрек ырғағының бұзылуын, құрысуды, команы, тыныс алу жиілігінің азаюы немесе тыныс алу жеткіліксіздігін туындатуы мүмкін.
Емі: препаратты тоқтату және симптоматикалық ем.
Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар
«Қолдану тәсілі бойынша сұрақ туындаған жағдайда медицина қызметкеріне хабарласыңыз».
ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар
Сирек
– гиперемия (эритема), ісіну, препаратты қолданған аймақтағы тері бөртпелері
– аллергиялық дерматит
– метгемоглобинемия
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz
Қосымша мәліметтер
Дәрілік препараттың құрамы
Бір суппозиторийдің құрамында
белсенді зат – 206 мг бензокаин (микрондалған);
қосымша заттар - какао майы (теобром майы), метилпарагидроксибензоат, пропилпарагидроксибензоат, жүгері крахмалы.
Сыртқы түрінің, иісінің, дәмінің сипаттамасы
Пішіні торпеда тәрізді, мөлдір емес, түсі бозғылт-ақтан ақшыл-сары түске дейінгі суппозиторийлер.
Шығарылу түрі және қаптамасы
5 немесе 6 суппозиторийден поливинилхлорид/полиэтилен үлбірден жасалған пішінді ұяшықты қаптамада.
2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
25 °С-ден аспайтын температурада сақтау керек. Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Иституто Де Анжели С.р.л.,
50066 Рeггелло (Флоренция), Лок. Прулли 103/c, Италия
Тіркеу куәлігінің ұстаушысы
Байер Консьюмер Кэр АГ,
СН-4052 Базель, Петер Мериан штрассе, 84, Швейцария
тел. +41 58 272 7542
факс: +41 58 272 7173
e-mail: www.basel.bayer.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Байер ҚАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел.: +7 727 258 80 40, факс: +7 727 258 80 39
тел: +7 701 715 78 46 (круглосуточно)
e-mail: kz.claims@bayer.com
pv.centralasia@bayer.com
